Meine Hobbies

Was soll i schreim? Hobbies... wia im Steckbrief scho g'schriem, red i gern g'scheid daher, trink gern a Bier, am liebsten a Weißbier. Dazu bleedld i gern, mach gern an Scheiß, schaug gern Fuasboi, mog die Bayern besonders gern... I trog gern a Sunnabruin, wann da Planet moi wieda owebrennt...

Da Tassilo is mei besta Freind, und i versuch immerno für den a g'scheids Madl zu finden, dass er ned so alloa is. Oba anscheinend is der unvermittelbar... Huift ned... Na, moi im Ernst, da Tassilo, des is scho a ganz a netta. Madln auf, probiert's as, der daugt eich, do bin i ma sicha.

I war oiwei scho a ziemlicher München-Fan. Wann's es sagts, des hoast Minga, naa, mir Münchna sand Münchna und koane "Mingara"... Es hoast ja aa de Schöne Münchnerin und ned de schöne Mingararin. Des miassn alle no lerna, de Owapfäiza, de Niederbayern und alle rund rum. Mia sand da scho a eigene Rass'. So, des muas aa moi g'sagt wern.

So, jetzad kaff i ma a Hoibe, und dring auf eich... Prost beinand! Samma wieda guad...